کابل ټکی کام (۱۳۹۸، وږی ۱۲)
په تيره جولای مياشت کې د فراه ولايت په أب خرما سيمه کې د مسافرو په بس موټر چاودنه وشوه چې په ترڅ کې يې نږدې ۳۵ کسان ووژل شول او لسګونه نور ټپيان شول.
طالبانو هغه مهال په یوه اعلاميه کې په یاده پيښه خواشیني ښودلې وه اود پيښې په اړه يې د پلټنو ژمنه کړې وه.
د طالبانو د ملکي تلفاتو او سمع شکاياتو کمېسيون په تازه خپره کړې اعلاميه کې ويلي، د هرات- کندهار په لویه لاره د آب خرما سيمه کې پر بس موټر د چاودنې ترسره کوونکی کس يې نيولی دی.
طالبانو ويلي، له یادې پيښې وروسته د اسلامي امارت د ملکي تلفاتو د مخنيوي او سمع شکاياتو کمېسيون سيمې ته د پيښې د پلټنې په موخه هيئت استولی و چې په وينا يې (د یاد کمیسیون د هلوځلو په نتیجه کې د ماین کیښودلو اصلي عامل مشخص او ونیول شو اوتیره ورځ شرعي محکمي ته وسپارل شو).
یاده پيښه ملګرو ملتونو او د ملکي تلفاتو د مخنيوي نورو ادارو غندلې او په اړه يې خواخوږي ښودلې وه.
