کابل ټکی کام( سه شنبه، ۱۲وږی، ۱۳۹۸)
د سالنګ لویه لار نن بیرته خلاصه شوه او مسافر ازادانه تګ راتګ پرې کولای شي.
د دغې لارې مسؤلین وایي چې تیره ورځ د سختو سیلابونو له امله د سالنګ لاره په ۲۸ ځایونو کې بنده شوې وه.
د چارواکو په وینا چې لاره په بشپړ ډول خلاصه شوې او مسافرو تګ راتګ پرې پیل کړی دی.
دا لومړی ځل نه دی چې دغه لار د ترافیکو پرمخ تړل کیږي بلکه په کال کې څو ځل د واورو، بارانونو او سیلابونو له امله په ورځو ورځو هم بنده وي.
د یادونې وړ ده چې تیره ورځ په پروان ولایت کې سخت سیلابونه راغلي وو او ډیر مالي زیان یې هم اړولی دی.
د راپورونو پر اساس چې ۲۰۰ کورونه او دکانونه یې ویجاړ کړي، یو کس لادرکه دی او او درې تنه نور ټپیان دي.
