کابل ټکی کام (شنبه، ۲۳ وږی ، ۱۳۹۸ل)
دطالبانو اوامریکایانو دسولې خبرو له لغوه کېدا وروسته امریکا کې د ناټو پخواني سفیر طالبانو سره د سولې خبرې د ژر بیا پیلېدو خبر ورکړی دی.
دوګلاس لوټ ټینګار کړی دی چې افغان جګړه نظامي حل نه لري، طالبانو سره د امریکایي ُپلاوي خبرې باید بېرته له سره پیل شي.
دوګلاس زیاته کړې چې طالبان به هم له افغان حکومت سره خبرو ته حاضر شي خو د نوموړي په خبره دا چاره وخت ته اړتیا لري.
دا په داسې حال کې ده چې ټرمپ څه موده وړاندې په کابل کې د یو امریکایي سرتېري تر وژل کېدو وروسته دا خبرې ودرولې او زیاته یې کړه چې له طالبانو سره د خبرو وخت نور پای ته رسېدلی دی.
په ورته وخت کې طالب پلاوي په مسکو کې د خبرو بیا پیل ته چمتووالی ښودلی خو زیاته کړې یې ده چې که امریکا جګړې ته دوام ورکوي نو دوی هم سل کاله نور جګړه کولی شي.
