طالبانو؛ د سمنګانو لپاره دخپل والي په اړه خپرې شوې اوازې رد کړې
کابل ټکی کام (یکشنبه، ۲۴ وږی ، ۱۳۹۸ل)
وسلوالو طالبانو دګډ حکومت ددفاع وزارت په حوالې خپرې شوې ټولې هغه ادعاوې رد کړې چې پکې دسمنګانو لپاره ددې ډلې د والي د وژل کېدو رپوټونه ورکړل شوي وو.
دطالبانو ویاند ذبیح الله مجاهد په خپله ټوېټرپاڼه لیکلي، 《دمزدور دښمن دفاع وزارت ادعا کړې چې ګنې د سمنګانو لپاره د اسلامي امارت والي صاحب يې شهید کړی.
موږ دا خبره په کلکه ردوو.
د سمنګانو والي صاحب روغ رمټ دی، خپل جهادي امور پرمخ وړي.
مجاهد دملت او مجاهدینو تشویش ته په اشارې زیاته کړې، ملت اومجاهدین دې د دښمن دا ډول پروپاګند ته اعتنا نه کوي او په دې اړه دې هيڅ تشویش نه لري》.
دیادونې وړ ده چې ګډ حکومت وار په وار هغه وخت دطالب مشرانو د وژل کېدو ادعا کوي چې کله تر سخت نظامي فشار لاندې راشي، له تېرو دوو هفتو راهیسې دطالبانو له لوري اووه ولسوالۍ نیول سوي چې غټه بریا بلل کیږي.
