(کابل ټکی کام، ۱۳۹۸، تله ۸، دوشنبه)
د تخار ولايت په بهارک ولسوالۍ کې نن سهار دولتي هوايي ځواکونو د محلي پوليسو یوه قرارګاه بمبار کړې چې د ځايي سرچينو په وینا د ديرش په شاوخوا محلي پوليسو ته يې مرګ ژوبله اړولې ده.
باوري سرچينې وايي، تر اوسه د برید له ځايه د شپاړلس محلي پوليسو جسدونه را ايستل شوي او د نورو د را ايستلو هڅې روانې دي.
مسؤولین وايي، لا هم ځينې جسدونه تر خاورو لاندې دي.
د تخار د والي ویاند جواهد هجري پر محلي پوليسو بريد تاييدوي په وينا يې د څيدړنې په اړه يې پلاوی ټاکل شوی دی.
طالبانو د تخار پر مرکز تالقان ښار له درې خواو بريدونه پيل کړي او ورسره يې په بهارک ولسوالۍ هم برید کړی دی.
بهارک ولسوالۍ د تالقان په پنځلس کيلومترۍ کې موقعيت لري چې په زياته سيمه يې طالبان واکمن دي.
