وړاندوینه: امین وردګ
وړاندوینه تل تخمیني وي؛ ځکه چې پرته له یوه الله) جل جلالُه( څخه بل څوک دقیق نشي ویلای؛ چې راتلونکی به څه ډول وي؟ او څه به پکې پېښ شي؟ بلکې یوازې) حالاتو ته په کتو سره( اټکل کېدلای شي.
دا چې اوسمهال د انتخاباتو کمپینونه ښه په ډينګ – ډنګ روان دي او ټول یې یو بل د)) ببۍ له برجه(( سره ولي؛ یو به یې ځان تک سپین درته وښیي ، هغه بل به صیب منه! دا بل کاکو داسې درته لوڅ کړي؛ چې آن هر څه… به یې له ورایه ښکاري، بل به را پورته شي او دا دواړه به رسوا کړي؛ د ده شعار به بیا دا وي چې: که ولمشر شي نو جمهوریت به اسلامي امارت ته واړوي.
خو تر دوی به تېر شو، دوی دې خپل بادونه سره ګزوي او موږ به خپل کار پیل کړو.
دا چې دمګړۍ د واک پر ګدۍ اشرف غني ناست دی او په ولس یې هغه ناتار جوړ کړی؛ چې چنګیز، ګوډ تیمور، هلاکو او ګرګین یې په قبرونو کې لا هک – پک کړل!
د ځینو یې سړي ووژل او دا نور یې اوس په ونو ورته خېژوي، خو دوی ناولي بیا هم د همغې ونې له سره چکچکې ورته وهي.
نو زما باوري تخمین او اټکل همدا دی چې همدغه چغنه چوغکه به بیاهم د همدې اولس د سر چنګک شي او راتلونکی سوټه مشر به بیا هم همدغه چغن وي.
زه اوس سم پوهېدلی یم چې زموږ تر منځ داسې شیطاني کچر ځغلېدلی؛ چې یقین که په ډېر وخت دوست او دښمن سره وپېژنو.
په دوحه کې څه کم یو کال د امریکا او طالبانو تر منځ) د سولې په هکله( خبرې وشوې؛ سره یوه خوله شول، موافقه وشوه، مسوده ولیکل شوه، خو چې کله یې د امضا وخت راغی، ټرمپ لغته پکې وار کړه او ډرت یې ویل!
دا کار شاته ډېر څه… لري! چې یو له هغو څخه د افغانستان لا نا آرامه کول او د جګړې شدت دی، خو دا کار هغه مهال کېدلای شي چې همدغه) چرسند، ښوی سری، له افغاني دود او اسلامي ارزښتونو بې خبره( سړی د واک پر ګدۍ ناست وي.
نو زما په اند به بیا هم، همدغه ښوی سری او چرسندوک د کابل واکدار شي.
داسې امکان هم لري چې انتخابات او یا یې نتائج یو څه نور هم و ځنډول شي خو هغه نامزدان به هم په دې کار کې مرستندوی وي چې د رایو سلنه% یې کمه ورته ښکاره شي؛ د ځانونو ناکامي او د اشرف غني بریا حتمي وبولي.
خو زه دوی ته همدا اوس وایم چې تاسو ځانونه مه ستړي کوئ! همدغه سوټه پیر درباندې مشر کول غواړي نوره مو خوښه! ځکه چې دغه سړي هم امریکا ته سم کارونه وکړل او هم پاکستان ته؛ دائمي نظامي اډې او د ډیورنډ کرښه .
که انتخابات و هم شي نو شل میلیونه افغانان به شرکت پکې و نکړي! چې دا په خپله یوه ستره قانوني خلا ده او په داسې حالت کې د یو چا مشري په دومره غټه بشري کتله ور تحمیلول ستر ظلم او لویه غداري بللای شو چې غربي نړۍ یې له افغانانو سره کوي.
خو که بیا هم هر څو کسانو شرکت پکې وکړ نو اشرف غني به اول، عبدالله دویم او حکمتیار به دریم وي؛ بیا به نو د دوی تر منځ جګړو ته څه آسانتیا برابره شي، ځکه چې توازن به یې تخمیناً د انډول جوګه وګرځي.
نو چاڼ خبره همدا ده چې)) د اشرف غني بیا راتګ د امریکا خوښ دی(( چې دا د نوې جګړې لپاره نوی جګړه ایز تاکتیک بللای شو.
خو زه وایم هغه کس ریښتینی او هوښیار افغان دی چې سولې ته په هر څه اولویت ورکړي او دغې بدمرغې، پېچلې جګړې ته نور د پای ټکی کېږدي، خو ګمان نه کوم!.
