ترکيه: سوريه کې اوربند نه کوو.
کابل ټکی کام (چهارشنبه، ٢٤ تله ، ۱۳۹۸ل)
ترکيې د سورېې شمال کې د روانو پوځي عملياتو د ځنډولو او اوربند وړانديزونه رد کړ او هلته يې د خپلو پوځيانو د پرمختګ خبر ورکړی.
دا څرګندونې د ترکيې ولسمشر پر داسې مهال کړي، چې ټاکل شوې، د امريکا مرستيال ولسمشر مايک پنس او د بهرنيو چارو وزير مايک پنس سبا پنجشنبه د ترکې په پلازميه کې له هغه سره وګوري.
د امريکا مرستيال اولسمشر وايي، سوريه کې د ترکيې له خوا د پوځي عملياتو درولو او د اوربند هڅه کولو لپاره انقرې ته ځي او هلته به په دې اړه له ولسمشر اردوګان سره خبرې وکړي.
په دې وروستيو کې د امریکا د ماليې وزارت سوريه کې د عملياتو په ځواب کې د ترکيې پر کورنيو، دفاع او انرژۍ وزارتونو د بندیزونو لګولو خبر ورکړ.
ولسمشر اردوګان ويلي، امریکا پر ترکيې بنديزونه لګوي، د عملياتو بندولو لپاره پر موږ فشارونه اچوي، خو زموږ دريځ روښانه دی او د هېچا بنديزونه او فشارونه پر موږ اغېز نه شي کولی.
ترکيه په دې باور ده، چې سرحدي سيمو ته څېرمه د سوريې په شمال کې کردي ملېشې ترهګر دی او تر هغو به خپلو عملياتو ته دوام ورکړي، چې کردي ملېشې د سوريې له سرحده په لسګونو کيلومټره لرې کړي او په دغه سيمه کې ترکيې مېشتو سوريايي کډوالو ته امن سيمې رامنځ ته کړي.
