کابل ټکى کام (يکشنبه ، ٢٨ تله ، ١٣٩٨ل)
له نيويارک څخه تر سيډني پورې دغې ۱۹ ساعته الوتنې ځینې علمي او تجربوي موخې لرلې:
د کانتاس هوايي شرکت غوښتل معلومه کړي چې دغسې د ډېر وخت آلوت پر پيلوټانو او سپرليو څه تاثير لري.
د آسټراليا د کانتاس هوايي شرکت د دغې بوينګ(787-9) ډوله الوتکې، چې د نيويارک او سيډنی ترمنځ يې د نژدې ۱۶ زره کيلومتره واټن وواهه، ۱۹ ساعته او ۱۶ دقيقې وخت ونيوه.
د دې له پاره چې وققې پرته الوتنه تر سره شي او بيا د تېلو اچولو ته اړتيا نه وي، په دغه ازمايښتي الوتنه کې يوازې ۴۹ کسان په الوتکه کې سپاره ول.
د کانتاس مشر، آلن جويس، چې د خپل شرکت او همداراز د هوايي چلند لپاره له يوې واقعي تاريخي شېبې څخه خبرې کولې، وويل: دغه هوايي شرکت غواړي له دې لارې وپلټي چې دومره اوږده الوتنه پر سپرليو او عملې باندې څه ډول اغېز لري. د دې موخې له پاره کانتاس د آستراليا له دوو پوهنتونو سره يو ځای کار کوي.
د هغو پيلوټانو چې د الوتنې پر وخت يې نوبتونه سره وېشلي ول، د مغزو فعاليتونه او د غبرګون وړتيا هم اندازه کېدله.
سپرلۍ په نيويارک کې الوتکې ته تر ورختلو وروسته د تېزې رڼا، قهوې او ترخو خوړو په مرسته تر هغه پورې ويښ ساتل کېدل چې د آستراليا په ختيځ کې هم شپه پيل شي.
له شپږو ساعتو وروسته له کاربوهايډرت يا نشايستې ډک خوراک ورکړل شو، رڼا کمه کړل شوه او سپرليو اجازه نه درلوده چې تلويزيوني پردو يا سکرينونو ته وګوري، څو ټوله شپه خوب وکړای شي.
د دغو څېړنو مخ بيونکې پروفيسرې ماري کارول له سپرليو سره ژمنه وکړه چې د وخت يوازې ډېر لږ تفاوت به احساس کړي. د کانتاس شرکت دوه نور ډېر اوږده ازمايښتي سفرونه هم پلان کړي، چې يو يې له لندن څخه سيډني ته په نظر کې نيول شوی دی.
