کابل ټکى کام (دوشنبه، ٢٩ تله، ۱۳۹۸ل)
د افغانستان د انتخاباتو د څار بنسټ «ټيفا» وایي، وروستي مالومات څرکندوي، چې د ټاکنو د لومړيو پایلو اعلان د ځينو سیاسي کړيو د فشار له امله ځنډېدلی.
د ټیفا له لوري په همدې اړه خپره شوې خبرپاڼه کې راغلي، چې ټيفا د یو خپلواک ملي بنسټ په توګه چې د ټاکنو په مهال یې ۵۲۰۰ څارونکي ټاکلي وو؛ د لومړيو پایلو د نه اعلان له امله اندېښمن دی او مالومات یې ښيي، چې د انتخاباتو کمېسیون د سیاسي فشار له امله دې کار ته اماده شوی.
د ټيفا د خبرپاڼې له مخې، د سیاسي فشار تر څنګ کمزوری رهبري بل هغه څه وو، چې د پایلو د ځنډ لامل شو.
د یاد ولو دې وي، چې د انتخاباتو د کمېسیون پلان کې وه چې د تلې د میاشتې په ۲۷ مه نېټه دټاکنو لومړنۍ پایلې اعلان کړي؛ خو تېره ورځ کمېسیون د بښنې له غوښتلو سره وروسته د ټاکنو د پایلو دلومړيو پايلو اعلان وځنډاوه.
د انتخاباتو د کمېسیون له دې اقدام څخه په کابل کې د امریکا سفیر «جان باس» هرکلی کړی او د ټاکنو د شفافیت لپاره يې د دانتخاباتو د کمېسیون ياده پرېکړه په ځای بللې.
