تخار: ماين چاودنې نهه ماشومانو ته مرګ ژوبله اړولې
(کابل ټکی کام، ۱۳۹۸ لړم ۱۱، شنبه)
د تخار ولايت په درقد ولسوالۍ کې د ماین چاودنې له کبله د يوه ښوونځي نهه ماشومانو ته مرګ ژوبله اوښتې ده.
د تخار د والي وياند جواد هجري وايي، دغه چاودنه نن د شنبې په ورځ د طاهريانو په کلي کې هغه مهال رامنځته شوې کله چې ماشومان له ښوونځي رخصت شوي دي.
نوموړی زياتوي په دغه چاودنه کې نهه کوچنيان وژل شوي دي.
د درقد د معارف یوه مسؤول ويلي، د چاودنې په ترڅ کې پنځه ماشومان وژل شوي او څلور نور ټپيان دي.
تر اوسه د دغه چاودنې مسؤوليت چا په غاړه نه دی اخيستی.
