کابل ټکى کام (دوشنبه ، ١٣ لړم ، ١٣٩٨ل)
د ننګرهار ولايت دځايي چارواکو په وينا نن ماښام نيږدې شپږ بجې او ۱۵ دقیقې د جلال اباد ښار اړوند دویمه ناحیه “کولالانو” کوڅه کې ناڅرګندو وسله والو په ملکيانو ډزې کړي، چې دوه تنه یې ځاى په ځاى وژلي او دوه نور یې ژوبل کړي دي.
دياد ولايت د امنیه قومانداني د معلوماتو په اساس دغه پېښه د شخصي دښمنۍ له کبله رامنځ ته شوې ده.
د ننګرهار د عامې روغتیا درياست ویاند “ظاهر عادل” وایي، چې د پېښې له ځایه ورته دوه جسدونه او دوه ټپیان وروړل شوي دي، چې د یو تن ټپي روغتیایي حالت د اندېښنې وړ دی.
