دایکندي: عسکر د خپلې پوستې قومندان او دوه نور ملګري وژلي
(کابل ټکی کام، ۱۳۹۸ ليندۍ ۵، سه شنبه)
د دايکندي ولايت په ګيزاب ولسوالۍ کې یوه عسکر د خپلې پوستې قومندان او دوه ملګري وژلي، خپله يې طالبانو ته ځان رسولی دی.
پېښه د يادې ولسوالۍ مربوط د سنګ شيخ سيمې په سره پوسته کې رامنځته شوې ده.
طالبانو کابل ټکی کام ته په رالیږلې خبرپاڼه کې د دغه بريد مسؤوليت منلی زياتوي بريد کوونکی پوليس په دولتي لیکو کې د دوی نفوذي و چې په یاده پوسته کې يې قومندان عمر شاه او دوه نور پوليس وژلي دي.
خبرپانه کې راغلي، له پيښې وروسته بريدګر په یاده ولسوالۍ کې نږدې د طالبانو ليکو ته ورغلی او له ځآن سره يې دوه ميله وسلې هم وروړي دي.
تيره اوونۍد افغانستان لپاره د امریکايي مرستو د څار ادارې يا سيګار په یوه راپور کې ويلي و په وروستيو کې په افغان پوځ کې داخلي بريدونه زيات شوي چې له کبله يې د عسکرو په مرګ ژوبله کې هم زیاتوالی راغلی دی.
د سيګار په راپور کې راغلي، د روان کال په جون او اګست مياشت کې ۳۰ داخلي بريدنه ترسره شوي زیاتوي چې دغه شمېر د همدې کال د لومړيو درې مياشتو په پرتله داخلي بريدونه دوه برابره زيات شوي دي.
طالبانو په خپلو اعلاميو کې ويلي چې د افغان پوځ په ليکو کې يې لسګونه نفوذي کسان ځای پرځای کړي او له موقع څخه په استفادې به پر بهرنیو او دولتي ځواکونو، چارواکو او منسوبینو بريدونه کوي.
