د پاکستان د لاهور په ښار کې چاودنه شوې

کابل ټکی کام (شنبه، ۹ ليندۍ، ۱۳۹۸ل)

د پاکستان د ستر ښار لاهور څخه د ترلاسه شويو معلوماتو له مخې ويل شوي دا چاودنه په یوې ریکشه کې ترسره شوې ده، چې ۵ تنه پکې ټپیان شوي دي.

د لاهور ځايي پولیسو رسنيو ته ویلي دي چې چاودنه د “چوبرجي” په سېمه کې رامنځته شوې ده.

د سرچینو په وينا دغه چاودنه په ریکشه کې د ځای په ځای شويو چاودېدونکو توکيو د چاودنې له امله رامنځته شوې ده.
د پیښې ټپیان سمدلاسه نږدې روغتونونو ته وړل شوي دي.

امنيتي چارواکي وايي چې د پيښې په اړه يې پلټنې پیل کړي دي.