طالبان: کندز کې يې ۱۸ پوليسو ته مرګ ژوبله اړولې
کابل ټکی کام (جمعه، ۱۵ ليندۍ، ۱۳۹۸ل)
کندوز ولايت څخه راپورونه وایي چې په امام صاحب ولسوالۍ کې طالبانو د پولیسو پر یوه مرکز بريد کړی، ګڼ شمېر پولیسو ته یې مرګ ژوبله اړولې ده.
د ياد ولایت د امنیې قوماندان جنرال “عبدالرشید بشیر” رسنیو سره په خبرو کې ویلي: پیښه کې ۹ تنه پولیس وژل شوي او درې تنه نور ټپيان دي.
د طالبانو وياند ذبيح الله مجاهد په خپل ټويټر ليکلي چې د امام صیب ولسوالۍ “جوی بيګم” سيمه کې د دوی جنګياليو د پوليسو يو مرکز نيولې، د قومندان ظاهر او رسول په ګډون يې څوارلس تنه پوليس وژلي، څلور يې ټپيان کړي او “قومندان تاج محمد” يې له خپلو دوو ساتونکو سره ژوندی نیولی دی.
