کابل ټکی کام (دوشنبه، ۱۸ ليندۍ، ۱۳۹۸ل)
د هندي رسنیو د راپورونو له مخې له افغانستان څخه هندوستان ته د پيازو په صادراتو کې د پام وړ زياتوالی راغلی دی.
دا راپورونه څرګندوي چې هره ورځ له افغانستان څخه له ۸۰ تر ۱۰۰ پورې د پیازو ډکې لارۍ موتر هند ته ځي چې نږدې ۳۵ ټنه پیاز لېږدوي.
د دغو رسنیو ته هندي سوداګرو ویلي چې یواځې د پیازو نه بلکې د وچو او تازه میوو ترڅنګ د نورو افغان محصولاتو واردات یې هم ډېر کړي دي. چې لامل یې د سوداګرۍ په برخه کې د دواړو هيوادنو له لوري اسانتیاوې رامنځته کول ښودل کيږي.
د یادونې وړ دی چې افغانستان په وچه کې ايسار هيواد دی، چې تل د خپلو محصولاتو په صادرولو کې له يو لړ ستونزو سره مخ وي. او په دې برخه کې یې ډېره تکيه په ګاونډي هيواد پاکستان ده.
