کابل ټکی کام (چهارشنبه، ۲۰ ليندۍ، ۱۳۹۸ل)
نن چهارشنبه د پاکستان سترې محکمې د دغه هیواد د پخواني اولسمشر اصف علي زرداري ضمانت منظور کړی اؤ د هغه د خوشې کولو امر یې کړی دی.
د ښاغلي زرداري اؤ د هغه د خور فریال تالپور د ضمانت عریضه نن د سترې محکمې د مشر قاضي اطهرمن الله په مشرۍ دوه کسیزه څانګې اوریدلی اؤ د ناقونه پیسو د لیږد اؤ پارک لین په قضیو کې يې په طبي اساس د ښاغلي زرداري ضمانت منظور کړی دی. خو د فريال تالپور د عريضې اورېدنه تر۱۷ دسمبر پورې ځنډول شوې ده
د اصف علي زداري د صحت په اړه محکمې ته وړاندې کړل شوي راپور کې ویل شوي، چې نوموړی د زړه، شوګر اؤ نورې بیلابیلې ناروغۍ لري. راپور کې ویل شوي چې اصف زرداري د زړه ناروغي لري، چې له امله هغه انجیو پلاسټي ته اړ دی چې دا په زندان کې نه شي کیدای.
د يادونې وړ ده، چې محکمې له دې وړاندې د فساد په قضيه کې د نيول شوي پخواني وزير اعظم نواز شريف ضمانت هم د دوه مياشتو لپاره منظور کړی و، چې دا مهال په بریتانیا کې تر درملنې لاندې دی.
