کابل ټکی کام (جمعه، ۲۲ ليندۍ، ۱۳۹۸ل)
د نايجريا د دولتي رسنیو د راپورونو له مخې تېره ورځ د القاعدې د ملاتړو وسلوالو له خوا د مالي پولې ته څيرمه د دغه هيواد د پوځ په یوه اډه برید کړی دی، چې په پايله کې يې ۷۱ عسکر وژل شوي او په لسګونو نور ټپيان دي.
د نایجیريا د دفاع وزارت په يوه خپره کړې خبرپاڼه کې دغه پېښه تائید کړې ده او په وينا يې چې په ځوابي برید کې يې ګڼو وسله والو ته هم مرګ ژوبله اړولې ده.
تر اوسه ددغه برید مسوولیت کومې وسلوالې ډلې نه دی منلی؛ خو په نايجيريا کې د القاعدې ملاتړي اسلامپال جنګيالي وخت ناوخت په حکومتي ځواکونو ورته خونړي بریدونه کوي.
د نایجیريا د دفاع وزارت وروستی بريد بوګنونکی بللی او ژمنه يې کړې چې بې ځوابه به يې نه پرېږدي.
