کابل ټکی کام (دوشنبه، ۲۵ ليندۍ، ۱۳۹۸ل)
د کرنې وزارت چارواکي وایي بادغيس ولايت کې د لومړي ځل لپاره د زعفرانو د پروسس مرکز جوړ شو.
د کرنې وزارت له لوري په يوه خپره شوې خبرپاڼه کې ویل شوي، چې د ياد ولايت په مرکز “قلعه نور” کې يې د زعفرانو د پروسس د مرکز د جوړېدو چارې بشپړې شوې دي او ګټې اخېستنې ته سپارل شوی دی.
خبرپاڼه کې ویل شوي، چې دغه مرکز په ۲۴ ساعتونو کې د ۴۸ کېلو ګرامه زعفرانو د پروسس وړتيا لري، چې په پرمختللو وسایلو سمبال دی. او د بسته بندۍ ټول وسایل هم په واک کې لري.
د کرنې د وزارت د چارواکو په خبره په دغه مرکز په جوړېدو سره به په بادغیس ولايت کې په معیاري ډول زعفران تولید او بیا به نړيوال بازار ته وړاندې شي.
