کابل ټکی کام (دوشنبه، ۲ مرغومی، ۱۳۹۸ل)
د راپورونو له مخې ګڼو اروپايي هېوادونو کې سخت توپانونه پیل شوي دي چې له امله یې تر اوسه ۹ تنه وژل شوي او ګڼ شمېر نور ټپيان دي.
راپورونه وايي: ياد توپان د هسپانیا او پرتګال ځينې سيمې سختې زیانمنې کړې دي او اوس د برېتانیا په لوري ور روان دی.
پرتګال کې چارواکو منلې چې په دې هيواد کې دوه تنه مړه شوي او په هسپانیا کې د ژغورنې د کارکونکو په وينا دغه توپان له امله اووه تنه وژل شوي دي.
په ځینو سیمو کې برېښنا پرې ښوې ده، پارکونه تړل شوي، پروازونه لغوه شوي دي او بيړنۍ حالت اعلان شوی دی.
