کابل ټکى کام (پنجشنبه، ۵ مرغومی ، ١٣٩٨ل)
د حزب اسلامي ګوند مشر ګلبدین حکمتیار یوځل بیا په ټولو ګوندونو او سیاسي جریانونه غږ کړی چې تول باید هوکړه وکړي تر څو بهرني ځواکونه له افغانستانه ووځي.
د حکمتیار په خبره په هېواد کې د روانې جګړې او ولسي مرګ ژوبلې اصلي لامل بهرني ځواکونه دي چې ټول باید دا اومني او په وتلو کې یې مرسته وکړي.
نوموړي دغه راز پر کابل ادارې هم نیوکې کړې دي او هغه یې د سولې پر وړاندې خنډ بللې ده.
حکمتیار زیاته کړې، د اوسني حکومت په موجودیت کې د سولې هڅې پایله نه ورکوي؛ دا حالت باید تغییر شي.
هغه چې نن یې په کابل کې د وحدت ګوند یوې غونډې ته خبرې کولې، تېرو ولسمشرۍ ټاکنو ته په اشارې وویل، دوی په هغو محلونو کې د بیا رایې اچوونې غوښتونکي دي چې د رایو په اړه اختلاف موجود دی.
حکمتیار چې د ولسمشریزو ټاکنو دریم مخکښ نوماند دی، وخت ناوخت ځینې حقایق وایي چې یو یې هم د افغانستان په اشغال او دامریکا په مظالمو راڼۀ اعترافات دي.
