کورنيو چارو وزارت: د یوه خصوصي شرکت ۲۶۰۰ ټنه بې کیفیته تېل ونیول شول
کابل ټکی کام (يکشنبه، ۱۲ چنګاښ، ۱۴۰۱ل)
د افغانستان د کورنيو چارو وزارت وايي، چې د یوه خصوصي شرکت ۲۶۰۰ ټنه بې کیفیته تېل يې نيولي دي.
د کورنیو چارو وزارت اړوند د هرات پولیسو خبر ورکړی، چې د یوه خصوصي شرکت ۲۶۰۰ ټنه بې کیفیته تېل، چې ټاکل شوې وه په بازار کې وپلورل شي، ونیول شول.
ياد وزارت ويلي، د هغه شرکت مسوول کس، چې دغه تېل يې هېواد ته وارد کړي، تر قانوني پلټنو او څېړنو لاندې دی.
دا په داسې حال کې ده چې تر دې مخکې هم د سټنډرډ ملي ادارې ويلي و، چې د هرات په اسلام قلعه بندر کې يې ١٦ ټانکره بې کیفیته تېل چې غوښتل يې هېواد ته وارد کړي بېرته ایران هېواد ته مسترد کړي و.
