لوګر: نامعلومه وسله والو په يوې نانوايي کې په ډزو ۴ تنه وژلي
کابل ټکی کام (پنجشنبه، ۲۳ چنګاښ، ۱۴۰۱ل)
لوګر کې ځایي سرچینې وایي، چې پر یوې نانوایۍ د نامعلومه وسله والو په ډزو کې ۴ تنه وژل شوي دي.
دا پېښه د چهارشنبې په شپه د لوګر مرکز پل علم په ښار کې رامنځته شوې، چې د ځايي سرچينو په وينا په وژل شويو کې ۳ وروڼه او يو د نانوايي کارکونکی و.
تر اوسه د دې پېښې لامل روښانه نه دی.
ځايي امنيتي مسؤولين وايي، د پېښې په اړه پلټنې پيل کړي دي.
