کابل ټکی کام (جمعه، ۳۱ چنګاښ، ۱۴۰۱ل)
د افغانستان اسلامي امارتوايي، هغه ټولې ژمنې يې پرځای کړي چې له امریکاسره یې د دوحې په تړون کې کړې وې.
د اسلامي امارت وياند په يوه خپاره کړي پيغام کې ويلي:« اسلامي امارت چاته اجازه نه ورکوي چې د افغانستان خاوره د امریکا او د هغو د متحدینو پر خلاف وکاروي، همدا ډول د افغانستان اسلامي امارت د خپلو وګړو د ټولو شرعي حقوقو ورکړې ته هم ژمن دی.»
ښاغلي مجاهد په دغه پيغام کې ويلي، چې په افغانستان کې دښځو او نارینه لپاره د نورمال ژوند او امن فضا جوړه شوې ده او د ټولو اقلیتونو حقوق محفوظ دي.
په پيغام کې راغلي، چې نور په افغانستان کې د نظام او د ژوند نورو چارو څرنګوالی د افغانانو مربوط مسائل دي.
ښاغلي مجاهد زياته کړې، څرنګه چې اسلامي امارت نه غواړي د نورو هېوادونو په داخلي موضوعاتو کې مداخله وکړي همدا ډول له نورو هیوادونو څخه هم غواړي چې زموږ په کورنیو مسائلو کې مداخله ونلري او موږ ته دژوندکولو بڼه راونښيي.
