کابل ټکی کام (سه شنبه، ۱۵ وږی، ۱۴۰۱ل)
په داسې حال کې چې په امریکا د جمهوریت غوښتوونکو او دیموکراتانو ترمنځ ناندرۍ مخ پر ډېریدو دي د امریکایي رسنیو د راپورونو پر بنسټ د عامه ذهنیت یوه ارزونه ښیي چې ۶۷ سلنه امریکایان پر دې باور دي چې په دغه هېواد کې دیموکراسي زوال سره مخ ده.
امریکایي ولسواکي د سقوط له ګواښ سره مخ ده. د امریکایي رسنیو د راپورونو پر بنسټ د عامه ذهنیت یوه ارزونه ښيي چې لوړه سلنه امریکایان د امریکايي ولسواکۍ پر ماتېدو او شړېدو باوري دي. یوه سروې ښيي چې شاوخوا ۶۷ سلنه امریکایان وایي، ددې احتمال شته چې امریکایي ولسواکي له سقوط سره مخ شي.
دوی په دې باور دي چې امریکایي حکومتونه اوس نه یوازې دا چې د امریکا د مدیریت وړتیا نه لري بلکې په نړیواله کچه هم په تعاملاتو کې کمزوری چلند کوي نو ځکه د دیموکراسۍ د سقوط احتمال لوړ شوی دی.
باید وویل شي چې دا څرګندونې داسې مهال کېږي چې په امریکا کې د دواړو ګوندونو ترمنځ ناندرۍ ادامه لري او تازه د امریکا پخواني ولسمشر ډونالډ ټرمپ ولسمشر بایډن باندې توندې نیوکې کړې دي او هغه یې د دیموکراسۍ په شرمولو تورن کړی دی.
