کابل ټکی کام (شنبه، ۱۹ وږی، ۱۴۰۱ل)
د راپورونو له مخې، د خیبر پښتونخوا په ټانک ضلع کې د نامعلومو وسله والو په برید کې ۶ پوليسو ته مرګ ژوبله اوښتې ده.
ځايي خبري سرچينې وايي، د يو تن سيمه ايز چارواکي صدام حسین خان بیټنی پر موټریز کاروان تېرماښام وسله وال برید شوی او ياده مرګ ژوبله يې اړولې ده.
د سرچينې په وينا، په دغه موټریز کاروان کې د پوليسو پر موټر برید شوی چې په ترڅ کې یې ۴ پوليس وژل شوي او ۲ نور ټپيان دي.
د تحصیل چیرمین صدام حسین بیټنی له دې بریده خوندي وتلی دی.
پوليس وايي، بريدګر له پيښي وروسته په تيښته بريالي شوي دي.
د بريد مسوليت تر اوسه چا په غاړه نه دی اخيستی.
