محمد یونس قانوني د مقاومت جبهې له غړیتوب څخه استعفا ورکړه
کابل ټکی کام (شنبه، ۲ تله، ۱۴۰۱ل)
د.جمعیت اسلامي ګوند مخکښ سیاستوال او د پخواني ولسمشر حامد کرزي لومړي مرستیال محمد یونس قانوني د مقاومت جبهې له غړیتوب څخه استعفا ورکړې ده.
نوموړي د یو رسمي لیک په خپرولو سره د ملي مقاومت له شورا څخه، خپله استعفا اعلان کړې ده.
قانوني ویلي چې د شورا له روانو سیاستونو سره جدي مخالفت لري نو له همدې امله یې استعفا کړې ده.
د ویلو ده چې تر دې وړاندې هم د مقاومت جبهې په مینځ کې د جدي اختلافاتو په اړه راپورونه خپاره شوي و او وینا کې د تیرې اوونۍ په غونډه کې هم د قانوني په ګډون د جمعیت ګوند مهمو مشرانو برخه نه وه اخیستې.
