کابل ټکی کام (دوشنبه، ۴ تله، ۱۴۰۱ل)
د امریکا د ملي امنیت شورا سلاکار په خپلو تازه څرګندونو کې ویلي، چې پر اوکراین د روسیې احتمالي اټومي برید به ناوړه پایلې ولري.
نوموړي د امریکا د اې بي سي ټلویزیون سره په مرکې کې ویلي، امریکایي چارواکو په خصوصي توګه روسي چارواکو ته ویلي که د روسیې ولسمشر ولادیمیر پوتین د اټومي برید امر ورکړي، بایډن به قاطع ځواب ورکړي.
خو سلیوان په مرکې کې دا نه دي ویلي چې د روسیې د دې اقدام په ځواب کې به د امریکا ځواب څه وي.
امریکا وروسته تر هغه دا غبرګون ښيي کله چې د روسیې ولسمشر ولادیمیر پوتین تر ۳ سوو زرو پورې د احتیاطي نظامیانو د برابرولو اعلان وکړ او په عین حال کې یې د اټومي وسلو د برید امکان هم څرګند کړ.
