کابل ټکی کام (چهارشنبه، ۶ تله، ۱۴۰۱ل)
افغان حکومت وايي، د روسيې سره يې تر خبرو وروسته د ارزانه خو باکیفیته لومړنیو موادو هوکړه کړې ده.
ذبیح الله مجاهد ویلي، تر راتلونکو څو اونیو پورې به د دې توکو جوپې په ازمېښتي ډول افغانستان ته راوړل شي.
نوموړي پر ټویټر د اقتصاد وزارت یوه خبرپاڼه خپره کړې چې وايي، په تېره سرطان/چنګاښ میاشت کې د اقتصاد وزارت او روسي چارواکو ترمنځ خبرې پیل شوې وې.
د افغان حکومت د سوداګرۍ او صنایعو وزارت سرپرست نور الدین عزیزي ویلي چې له روسیې سره یې له دغه هېواده د تېل، ګاز او غنمو پېرلو لنډمهاله هوکړه لاسلیک کړې ده.
افغان چارواکي وايي، چې د افغانستان له نورو سوداګریزو شریکانو او خصوصي سکتور سره هم د ورته معاملې لېوالتیا لري چې د افغانانو د اقتصاد او وس مطابق د ژوند د لومړنیو توکو برابرولو برخه کې همکاري وکړي.
د سوداګرۍ وزیر ویلي دا مهمه هوکړه اوس تر یوې نامشخصې ازمېښتې دورې دوام کوي او که دواړه خواوې یې له وضعیت راضي وې نو وروسته به اودمهاله تړون لاسلېکېږي.
