کابل ټکی کام (جمعه، ۱۵ تله، ۱۴۰۱ل)
د افغانستان د بیارغونې لپاره د امریکا د څار اداره سیګار وایي، د امریکا د بهرنیو چارو وزارت او د دفاع وزارت استخباراتو ویلي، د افغانستان د تېر حکومت د وسلهوالو ځواکونو یو محدود شمېر پرسونل د طالبانو ضد وسله والو ډلو سره يو ځای شوي.
سيګار ويلي، پخواني امنيتي سرتېري د افغانستان د اوسني حکومت ضد لکه د اسلامي دولت ډلې د خراسان څانګې، د ملي مقاومت په نوم جبهې او د افغانستان د ازادۍ په نوم جبهې سره یو ځای شوي دي.
سیګار دغه څرګندونې پرون په څو ټویټونو کې د خپل درې میاشتني راپور په استناد چې د امریکا کانګرس ته یې استولی، کړي.
دا په داسې حال کې ده، چې په تېر کې هم افغان چارواکي او د جمهوريت ځينې ادارې په دې تورنې شوې وې چی داعش وسله والو ته ته يې د پيسو او وسلو امکانات برابرول.
