کابل ټکی کام (پنجشنبه، ۱۲ لړم، ۱۴۰۱ل)
د پاکستان د بهرنیو چارو وزیر “بلاول بوټو زرداري” له افغانستان سره پر دوامداره او عملي تعامل ټینګار کړی.
نوموړي د شانګهای د همکارۍ سازمان په غونډه کې ویلي، چې د افغانستان له خلکو سره د بشري او اقتصادي بحران پر وړاندې د مبارزې په برخه کې د مرستې لپاره بايد له دغه هېواد سره تعامل وشي.
د ویلو ده چې د اسلامي امارت په مشرۍ افغان سرپرست حکومت بیا بیا له نړیوالې ټولنې غوښتي چې دوی سره دی مثبت تعامل ته را وړاندې شي؛ خو تر اوسه د پاکستان په ګډون هېڅ کوم هېواد افغان حکومت په رسمېت نه دی پېژندلی، د کتوونکو په باور نړیوال او سیمه اییز هېوادونه د امریکا له ویرې افغان حکومت په رسمېت نه پيژني.
