فاروق قریشي
مدرسه د دين او جهاد سر چینه، مدرسه د دين باغيچه , مدرسه د اسلام سپېڅلي دين ډيوه، مدرسه د علم ، تربيت، اخلاقو , ادب او تزکيه مرکز ، مدرسه د اسلامي فکر مرکز، مدرسه د قرآن , احاديثو, سيرت, عقايد او نورو مختفلو شرعي علومو زده کړې کور دی.
بالأخره مدرسه د اتلانو او غازیان معنوي مور ده.
مدرسې څه وکړل؟
مدرسې د شوروي اتحاد دړې وړې کړو،
مدرسې د کمونيزم رېښې ويستلې، مدرسې د ماوراء النهر هېوادونه د شوروي اتحاد نه آزاد کړل.
مدرسې په سیاست او عسکریت د معاصرې نړۍ دو پنځوس 52 هېوادو په ګونډو کړل .
ډ مدرسې بچیانو پر وړاندې 52 B , ډرون او نورې مختلف النوع جنګي الوتکې ، ټانګونه او اسلحې ناکامې شوې.
مدرسې بچیانو غربي نظريات، افکار، فرهنګونه، غربي رواجونه او ماډرنیزم ته پای ټکی کېښود.
مدرسې مجاهدين او فديان وروزل،
د مدرسې بچیانو پر افغانستان يو سپېڅلی اسلامي نظام حاکم کړو.
مدرسې ظالمان، لوطيان ، غله، لوچکان، ولګردان، باج خواهان، د خلکو په ناموس تېري کونکي ، د خلکو په سر ميخ ټکونکي او د رقص مرده کونکي له ګران هېواده ورک کړل.
بالأخره مدرسې داسې کارنامې او شهکارۍ وکړې چې ساری یې نشته.
په مدرسه څه تېر شول؟
مدرسه بمبار شوله، مدرسه وسوځول شوله،
مدرسې استاذان او طالبان شهيدان او په بګرام، ګوانتنام او پلچرخي کې بندیان شول.
مدرسې استاذان ، حافظان او طالبان د دستاربندۍ په مراسمو کې بمبار شول او ټولې هيلې يې په اوبو لاهو شوې.
په مدرسه وحشيانه چاپې ووهل شوې،
د مدرسې د طالب بدن په دين ټوټه ټوټه شو،
د مدرسې استاذ او طالب په وینو قرآن او احادیثو کتابونه رنګ شول .
مدرسې استاذ او طالب هر نوع کړاوونه وزغمل حتی په سپو وداړل شول .
بالاخره په مدرسه داسې بې درېغه وحشتونه وشول چې زما قلم یې له لیکلو عاجز دی.
خو مدرسې بچیانو خپله مبارزه پرېنښودله او بالاخره 1400 کاله وروسته کمونیزم ، ډیموکراسي ، سیکولریزم او کپیټالیزم ته ماته ورکړه او یو سپېڅلی شرعي نظام په خپل ګران وطن حاکم کړو.
مدرسې سره بايد څه وکړو؟
کله چې مدرسې داسې نه هېردونکي کارنامې وکړې او بې سارې قربانۍ ورکړې چې په نتیجه کې اوسنی اسلامي نظام منځته راغی نو د اسلامي نظام مشرانو توجه جدا لاندې نکتو ته غواړم
لومړی باید د مدرسې نصاب په معياري توګه سمبال شي او لاندې مضامين پکې داخل شي.
1- د قرآن کريم ترجمه او لنډ تفسير د اولې درجې نه تر آخرې درجې پورې تدريجا.
2- د احادیثو یو کتاب له اولې درجې نه تر آخرې درجې پورې.
3- د سيرة النبي په مناسبو درجو کې ( دوهمې نه واخله تر آخره).
4- د اخلاقو او ادب یو مضمون باید په هر درجه کې داخل شي.
5- اسلامي تاريخ باید په مناسبو درجو کې داخل شي.
6- د کفري معاصرو اديان لکه : ډيموکراسي، سيکولريزم، لبراليزم، نشنليزم وغيره..
پېژندنې لپاره بايد يو مضمون په مناسبو درجو کې داخل شي.
7- دعربي ژبې او املاء زده ته جدا توجه وشي.
8- معاصر ضروري مضامين لکه : رياضي ، انګلسي او کمپيوټر زده کړه په درجو کې داخل شي.
9- بايد په مدارسو کې دديني زده کړو سره د عسکري زده کړو زمینه هم طالبانو ته مساعده شي ځکه رسول الله صلی الله عليه وسلم وايې قوت په ( رمي ) کې دی.
10۔ د صرف او نحوې په برخه کې بايد داسې کتابونه تدريس شي چې مثبته نتیجه پرې مرتب شي لکه : نحو الواضح ، دروس النحو، النحو التطبيقي ، الصرف التطبيقي وغیره ….
11- باید د مدرسې مدرس نه لمړی امتحان واخیستل شي او بیا د استاذ په توګه وټاکل شي .
12- باید د ټولو مدارسو درجو کې يو ډول نصاب تدریس شي.
13- امتحان اخيستل بايد لازمي شي.
پوښتنه : دا دومره زيات کتابونه به څنګه تدريس شي؟
ځواب: دا شونې ده ځکه باید هغه علوم چې اوس ډېره فايده پرې مرتبه نده لکه : علم المنطق، علم الحکمة وغيره.. مضامین په درجو کې کم شي او پر ځای پاس ضروري مضامین ځای پر ځای شي .
د اسلام نظام مشرانو نه زما غوښتنه:
محترمو مشرانو!
په اوسني اسلامي نظام کې د مشر نه واخله تر کشره ټول د مدرسې بچيان( طالبان) دي نو زه د ستاسو توجه خپلې معنوي مور ( مدرسې) ته جدا غواړم .
محترم مشرانو د ستاسو معنوي مور ( مدرسه ) خو مخکې په چنده چلېدله څه عیب نوه ځکه د مدرسې بچی هم فقير وه
اوس خو نو دمدرسې بچيانو هر نوع امکانات شته.
خو بدبختانه اوس هم د ستاسو معنوي مور په چنده
( ګدايۍ) چلېږي آيا خپله مور مو همداسې سواګره پرېېږدۍ؟
نور بس څه نه وايم تاسو په خپله ښه پوهېږئ.
