کابل ټکی کام (جمعه، ۱۱ لیندۍ، ۱۴۰۱ل)
د راپورونو له مخې، په کابل ښار کې د ګازنيوې له امله د یوې د کورنۍ ۷ غړي مړه شوي دي.
پېښه د کابل ښار د څلورمې حوزې د تایمني په اړوند سیمه کې رامنځته شوې چې د دوه ښځو او څلور ماشومانو په ګډون ۶ تنه پکې مړه شوي دي.
ځايي اوسېدونکي وايي، پېښه د همدې کورنۍ د بې احتياطۍ له امله رامنځته شوې ده.
د سوشل ميډيا کارونکو په يادې پيښې ژوره خواشيني څرګنده کړې او له خلکو يې غوښتي چې په ژمي کې د بخاريو له استعمال سره له احتياطه کار واخلي او له اوده کېدو مخکې يې بخارۍ بنده او انګار مړ کړي.
