حسان مجاهد
علماوو د تکوير سورة اووم نمبر آيت په تفسير کې ليکلي دي: دقيامت په ورځ به دهر چا راپاڅېدل له هغه قوم سره وي، دکوم قوم په څېر چې يې په دنيا کې عمل کړی وي.
رسول الله ﷺ ته دالله تعالی له لوري حکم وشو، چې په لمانځه کې دحرم لوري ته مخ واړوه؛ ددې علت دا و، چې له کفارو سره په قبله کې مخالفت راشي او کفار په دې خوښ نه شي، چې مسلمانان زموږ قبلې ته لمونځ کوي.
[اقتضاء الصراط المستقيم]
رسول الله ﷺ فرمايلي: څوک چې له کوم قوم سره مشابهت کوي؛ هغه به له همغه قوم سره وي [ابوداؤد]
حضرت عمر فاروق رضي الله عنه دا شرط ایښی و، چې له ذمي کافرانو سره به د کتابت تړون نه کيږي، همدارنګه به له دوی سره په لباس، لنګوټه او څپليو کې مشابهت نه کيږي، ددې لپاره چې دمسلمانانو او کفارو تر منځ مینه او علاقه پيدا نه شي. [أحكام أهل الذمة لابن القيم رحمه الله ص452-455.]
رسول الله ﷺ چې مؤمنان د وریښمنو له اغوستلو، همدارنګه د سرو او سپينو زرو په لوښو کې له خوراک او څښاک کولو منعه کړي دي؛ علماؤ يې علت له کفارو سره مشابهت ښودلی ده.
عبد الله ابن عمرو ابن عاص يو ډول جامې په تن وې؛ رسول الله ﷺ ورته وايي: دا دکفارو جامې دي؛ ځکه نو دا مه اغونده! [صحيح مسلم]
رسول الله ﷺ فرمايلي: له مشرکینو سره مخالفت وکړئ؛ ږیري پریږدئ او بريتونه کم کړئ. [صحيح مسلم]
عبد الله ابن عمرو بن عاص رضی الله عنه وايي: څوک چې له کفارو سره په مهرجان، نوروز او نورو مناسباتو کې دخوشحالي اظهار او ګډون کوي او په دې حالت کې مړ شو؛ نو په قیامت کې به له کفارو سره را پاڅي. [سنن البيهقي الكبرى9/234]
شیخ الاسلام ابن تيمييه رح ویلي: کوم يهود او نصارا چې له مسلمانانو سره اوسي؛ دهغوی کفر تر نورو کفارو کم ده، دا شان هغه مسلمانان چې له يهودو او نصاراوو سره ګډ ژوند کوي، ايمان يې تر نورو مسلمانانو کمزوری وي.[ اقتضاء الصراط المستقيم]
مسلمانان له دې منعه شو چې له کفارو سره په ښکاره توګه ځانونه برابر کړي؛ ځکه په ښکاره مشابهت دزړه محبت ته لاره هواروي او مسلمان باید له کافر سره ټينګه کرکه او دښمني ولري.
په نن زمانه کې له هغه وروسته چې له دين سره دمسلمانانو علاقه پرې شوه، جهالت زيات شو، زړونه بدل شو، په مسلمانانو کې د ولاء او براء عقيده ورکه شوه، په خلګو باندې حق او باطل ګډ شو؛ نو يې په نتيجه کې مسلمانانو له کفارو سره په عقیده، کلتور، لباس او عاداتو کې مشابهت او تقلید اختيار کړ لکه: غربي لباس په تن کول، نيک ټايې اچول، په ويښتانو کې لارې جوړول، په لباس کې دکفارو او صلیب عکسونه لګول، ځينځيران په غاړه کول، بريتونه پريښودل او ږيره خريل، د سپيو او بيزوګانو ساتل، دکفارو اخترونه او مناسبات لمانځل او….
مسلمانانو ته په کار ده چې خپل اسلامي هيوت له لاسه ورنکړي او له کفارو سره په هر څه کې ژوره کرکه ولري؛ ځکه دا به څومره د شرم خبره وي چې له مسلمانه زيږيدلی، په اسلامي ټولنه کې را لوی شوی او په اسلامي نوم نومول شوی دقيامت په ورځ د يهودو او نصاراوو تر څنګ را پاڅي!!
