کابل ټکی کام (چهارشنبه، ۴ سلواغه، ۱۴۰۱ل):
د بريټانيا حکومت وايي، چې په دغه هېواد کې تر ۲۰۰ پورې پناه غوښتونکي ماشومان ورک شوي دي.
دغه دوه سوه ماشومان د بريتانيا دولت په لنډمهالو استوګنځیو کې مېشت کړي وو، ازاد و خو تري تم شوي دي.
د بریتانیا د کډوالو وزیر رابرټ جنرېک ددغه هېواد پارلمان ته د سې شنبې په ورځ وویل، څه باندې څلور سوه د ماشومانو د تري تم کېدو رپوټونه ثبت شوي چې په دوی کې د دوو سوو یې هېڅ معلومات نه لګېږي.
جینریک وايي، د يادو ماشومانو په استوګنځايونو او هوټلونو کې، پولیس، نرسان او اجتماعي کارکوونکي موجود وي، خو بيا هم ماشومان تري تم کېږي او حکومت سره راپور نه شريکېږي.
ده وویل، په دې تري تم شویو ماشومانو کې ۸۸ سلنه د البانیا او پاتې د ۱۲ سلنه یې د افغانستان، مصر، هند، ویتنام، پاکستان او ترکیې دي.
د «Observe» ورځپانې په يوه راپور کې راغلي، چې جنایي ډلې د انګلنډ په جنوب کې د «برایټن» په سیمه کې ځوان پناه غوښتونکي د هوټل له مخ څخه «تښتوي».
د بریتانیا د مهاجرت د وزیر په وينا، د ۲۰۲۱ د جولاۍ له میاشتې راهېسې « د ورکې ۴۴۰ پېښې» شوي دي.
