بدخشان: د واورې او باران ورښت ۸ تنه وژلي او د لسو ولسواليو لارې تړل شوي
کابل ټکی کام (چهارشنبه، ۲۶ سلواغه، ۱۴۰۱ل)
د راپورونو له مخې ، بدخشان کې سیمه ییزو سرچینو ويلي چې د ژمي د یخنۍ او د واورې د ورښت له امله ۸ تنه وژل شوي او ۶ تنه نور ټپيان دي.
د بدخشان ولایت محلي سرچينې وايي، د راغستان، شغنان، درایم او یفتل ولسواليو کې په تېرو ۲۴ ساعتونو کې د سختو بارانونو له امله ځاني او مالي زیانونه اوښتي دي.
ځینو سیمه ییزو سرچینو د وروستیو اورښتونو له امله د مرګ ژوبلې د زیاتوالي په اړه د اندېښنې په څرګندولو سره ومنله چې د بدخشان ولایت له مرکز فیض اباد ښار سره د لسو ښارونو لویې او کوچنۍ لارې له تېرې یوې اونۍ راهیسې تړلې دي او د مرستو غوښتنه یې کړې ده.
د ځايي خلکو د غير رسمي راپورونو له مخې، د راغستان ښار په خونيلر کلي کې د سختې واورې ورېدو له امله د يوه کور د چت د نړېدو له امله د يوې کورنۍ درې ماشومان وژل شوي او د هغوى مور او پلار ټپيان شوي دي. په درایم سيمه کې د سختې یخنۍ له امله ۲ تنه د ډېر عمر کسان مړه شوي دي
د افغانستان په بېلابېلو ولايتونو کې پرله پسې او درنه واوره ورېږي، چې ویل کېږي سږنی ژمی په هېواد کې په وروستیو لسیزو کې تر ټولو سوړ ژمی دی.
پرون هم د بدخشان په راغستان ولسوالۍ کې د برف کوچ راتلو له امله ۵ تنه وژل شوي و.
