کابل ټکی کام (سه شنبه، ۲ کب ، ۱۴۰۱ل)
د افغانستان اسلامي امارت د رياست الوزرا اقتصادي معاونيت وايي، چې د رياست الوزرا اقتصادي مرستیال ملاعبدالغني برادر په مشرۍ د اقتصادي کمېسيون له لوري ماليې وزارت ته دنده سپارل شوې، څو هغه سترې پروژې چې د کارونو ډېره برخه يې ترسره شوې او د بشپړېدو لپاره کمې بودجې ته اړتيا لري، تشخيص کړي.
چې ماليې وزارت د اقتصادي کمېسيون له پريکړې سره سم تشخيص کړې، چې د اقتصادي کمېسيون د نوبتي ناستې د پريکړې پر اساس به د راتلونکي ۱۴۰۲ لمريز کال په پراختیايي بودجه کې پيسې ورته ځانګړې شي او پاتې چارې به یې ژر پیل شي.
يادې ۱۱ نيمګړې پروژې په لاندې ډول دي:
کمال خان بند پروژه، د شاه او عروس بند پروژه، د پاشدان بند پروژه، د کابل لوګر د دوهم لين سړک پروژه، له فرخار تر ورسج له اسفالټ سړک پروژه، د خوست او تخار د هوايي ډګرونو د رنوی، ټرمينل، پارکينګ…، د قلعه نو ښار د اوبو رسونې او بادغيس بند پروژه، د مزار د تخته پل د اوبو څښلو پروژه، د شبرغان د اوبو څښلو پروژه، په بېلابېلو ولايتونو کې د ۱۴ ښارګوټو د اوبو رسونې پروژه، په علي اباد روغتون کې د سرطان ناروغۍ د مرکز جوړولو پروژه.
