پاکستان له خلکو د والنټاین یا د مینانو د ورځې د نه لمانځلو غوښتنه وکړه

کابل ټکی کام ۲۵سلواغه/۱۳۹۴، احمدالله مهاجر
د والنټاین یا د مینانو ورځ چې یو غیر مشروع عمل دی، د پاکستان یو شمېر دیني علماوو د پاکستان له حکومت څخه غوښتي دي، تر څو پر دغه ورځ بندیز ولګوي.
د علماوو د غوښتنې مطابق د پاکستان جمهور رئیس ممنون حسین د والنټاین په ورځ د انتقاد په توګه ویلي دي چې:
«د والنټاین ورځ زمونږ له کلتور څخه خلاف ده، او زمونږ له کلتور سره هېڅ اړیکه نه لري، نو باید چې و نه لمانځل شي.»
د یادولو ده، د داسې ورځو لکه د نوروز، والنټاین او نورو ورځو په اړه علماء په دې نظر دي چې دا د کفارو له لورې جوړ کړی شوې د خوشالۍ ورځې دي، او په اسلام کې دوه اخترونه دي، له دې څخه زیات اخترونه لمانځل بدعت دي، او د دې په لمانځنه کې له کفارو سره تشبه راځي، او له کفارو سره له تشبه کولو څخه رسول الله صلی الله علیه وسلم ډېر بد وړي دي.