کابل ټکی کام (چهارشنبه، ۳۱ جوزا، ۱۴۰۲ل)
د راپورونو له مخې د اشغال شوې لوېدیځې غاړې په “جنین” ښار ګوټي کې د حماس اسلامي غورځنګ د پوځي څانګې “القسام لیوا” پورې اړوند یوه وسله وال په اشغالګرو اسرائیلي پوځيانو “شهادت غواړي” عملیات تر سره کړي چې په پایله کې یې څلور صهیونیستي عسکر ځای پر ځای وژل شوي او یو بل مرګونی ټپي شوی دی.
د اسرائیلو د نیواکګر ريژیم دفاع وزارت د برید د تائید ترڅنګ خپلو سرتېرو ته د اوښتې مرګ ژوبلې پخلی کړی او په خبره یې تر برید وروسته یې په سیمه کې چانیز عملیات پیل کړي دي.
دا په داسې حال کې ده چې تېره ورځ صهیونیستي پوځیانو د جنين په ښار کې د فلسطيني کډوالو پر يوه پنډغالي بريد کړی و چې له امله د یو ماشوم په ګډون درې تنه فلسطیني کډوال شهیدان او ٤٥ تنه نور ټپيان شوي وو.
