کابل ټکی کام (دوشنبه، ۵ چنګاښ، ۱۴۰۲ل)
د سودګرۍ او پانکونې خونې مسئولينو ويلي: د روان ميلادي کال په لومړيو شپږ مياشتو کې پاکستان ته ۶۰۰ ميليون دالرو پر ارزښت صادرات شوي دي.پاکستان ته د صادراتو د زياتوالي په اړه د سوداګرۍ اوپانګونې خونې مسئولينو ويلي، چې د ۲۰۲۳ ميلادي کال په لومړيو شپږ مياشتو کې پاکستان ته د څه باندې شپږ سوه ميليون دالرو پر ارزښت صادرات شوي دي.د سوداګرۍ او پانګونې خونې غړي خان جان الکوزی وايي: د روان ميلادي کال په لومړيو شپږ مياشتو کې د هيواد په صادراتو کې منظمه پرا ختيا راغلي. که څه هم د پاکستان د مرکزي بانک لخوا افغانانو ته ستونزې جوړېږي؛ خو بيا هم د څه باندې ۶۰۰ ميليون دالرو پر ارزښت صادرات تر سره شوي دي.نوموړی زياتوي، چې د دې صادراتو ډېره برخه غالۍ، وچه ميوه، قيمتي او نيمه قيمتي ډبرې دي.خصوصي سکتور ډاډ څرګندوي او وايي: ورځ تر بلي د هيواد صادرات د پراختيا په حال کې دي او د تازه ميوو د نوي فصل له رسيدو سره به د هيواد د صادراتو کچه نوره هم لوړه شي.د صنعت اوسوداګرۍ وزارت ويلي، چې په روان کال کې له پاکستان سره د سوداګرۍ او صادراتو بهير په منظم ډول پرمخ روان دي او د دواړو هيوادونو ترمنځ د سوداګرۍ او اقتصادي فعاليتونو د پراختيا لپاره به هڅې نورې هم زياتې شي.دوی وايي، چې تېر کال يي يو اعشاريه دوه ميليارد دالرو پر ارزښت پاکستان ته صادرات تر سره کړي. په روان کال کې هم له پاکستان سره منظم ډول صادارت او واردات روان دي اوهيله ده، چې د اقتصادي فعاليتونو کچه به د دواړو هيوادونو ترمنځ نوره هم پراخه شي.د صنعت او سوداګرۍ وزارت وياند عبداسلام جواد آخوندزاده وايي: موږ تېر کال پاکستان ته يو اعشاريه دوه ميليارد دالرو پر ارزښت صادرات درلودل او اوس هم د تورخم، غلام خان، سپين بولدک څخه صادرات روان دي. هيله لرو، چې په روان کال کې به د دواړه هيوادونو ترمنځ اقتصادي اړيکي نورې هم پراخي شي.د خصوصي سکتورغړي د اسلامي امارت بهرني سياست اقتصاد محوره بولي او د سکتوري بنسټونو له مسئولينو غوښتنه کوي، چې د پاکستان په ګډون له ټولو ګاونډ هيوادونو سره ښي سوداګريزې او ترانزيتي اړيکي تنظيم او دې بهير ته نوره هم پراختيا ورکړي.
