کابل ټکی کام (سه شنبه، ۳ زمری، ۱۴۰۲ل)
د راپورونو له مخې ، په الجزایر کې د اورلګېدو له امله لسګونو کسانو ته مرګ ژوبله اوښتې ده.
د الجزایر د کورنیو چارو وزارت په خپره کړې خبرپاڼه کې د دغه هېواد په ۱۶ ولایتونو کې د تودو بادونو او ګرمۍ له امله د اورلګېدنې ۹۷ پېښو ثبتولو خبر ورکړی دی.
خبرپاڼه کې راغلي، چې د اورلګېدنې له امله د لسو سرتېرو په ګډون ۳۴ کسان مړه شوي او ۲۶ نور ټپیان دي.
د الجزایر چارواکو ويل، دا مهال په ټول هېواد کې شاوخوا ۷۵۰۰ اوروژونکي چې هوايي ملاتړ هم ورسره دی، د اور پر وژنې لګیا دي چې تر ۱۵۰۰ زيات کسان خوندي سيمو ته لېږدول شوي دي.
