کابل ټکی کام (يکشنبه، ۱۵ زمری، ۱۴۰۲ل)
د راپورونو له مخې ، په پاکستان کې د یوه اورګاډي د اوښتو پېښه کې لږ تر لږه ۱۹ کسان وژل شوي او ۴۰ نور ټپیان دي.
دغه پېښه د پاکستان د سېند ایالت په شنغر ولسوالۍ کې هغه مهال رامنځته شوې چې يو اورګاډی د کراچۍ نه د خېبر پښتونخوا هزارې حویلیا ته روان و چې په نواب شاه سیمه کې له پټلۍ ښویېدلی.
چارواکي وايي، لس واګونه له پټلۍ وتلي دي.
تر اوسه د پېښې اساسي لامل نه دی په ډاګه شوی، خو د پاکستان د ریل محکمې وزیر خواجه سعد رفیق اندېښنه ښودلې چې دا د ترهګرۍ پېښه هم کیدای شي.
