کابل ټکی کام (جمعه، ۲۹ تله، ۱۴۰۲ل)
په ترکیه کې مېشت د حماس اسلامي غورځنګ مرستیال مشر مشر “خالد مشعل” تېره شپه له العربیه تلویزیوني شبکې سره په خبرو کې ویلي، چې طالبانو امريکا ته ماتې ورکړه او موږ به اسرائيلو ته ماتې ورکوو.
نوموړي پر اسرائیلو باندې د حماس د پوځي څانګې القسام لیوا ناڅاپي برید ته په اشارې سره، دغه برید یو «حساب» وباله. او ویې ویل: “موږ د اکتوبر د اوومې عملیاتو له پایلو ښه خبر یو.”
مشعل په دې خبرې سره چې د بندیانو د احصایې مالومات یوازې د القسام پوځي کنډکونو سره شتون لري؛ خو ټینګار یې وکړ چې موږ د خپلو بندیانو د را خوشې کولو لپاره ډېر اسرائیلي پوځي بندیان لرو او ځینو هېوادونو ته د ملکي بندیانو د سپارلو لپاره مو چمتووالی اعلان کړی دی. “
مشعل د خپلو خبرو پر دوام ویلي: “موږ یوازې د اسراییلي پوځي بندیانو په اړه خبرې کوو او موږ به یوازې د خپلو ټولو بندیانو د خلاصولو لپاره اسراییلي بندیان تبادله کړو.” خالد مشعل څرګنده کړه چې د نتانیاهو د حکومت په اجنډا کې د (اقصی سپیڅلی مسجد) د یهودو لپاره ځانګړی شوی دی او د همدې موخې د بریالیتوب لپاره صهیونیستانو د فلسطینیانو عام وژنه پیل کړې ده.
نوموړي همدا راز زیاته کړه: “د اسراییلو پر وړاندې زموږ د “الأقصی طوفان” عملیات په یوه محدود چوکاټ کې پیل شوي. موږ ملکیان نه وژنو بلکې دا اسراییل دي چې په پراخه کچه ملکي وګړي په نښه کوي.”
مشعل د عربي هېوادونو د دريځونو ستاينه وکړه او ويې ويل: “له تاسو زياتې هيلو لرو، خو په عين حال کې، موږ د دغو هېوادونو خلکو ته د جګړې بلنه نه ورکوو. د حماس غورځنګ دغه مهم مشر منلی، چې “حزب الله او ایران دوی ته وسلې راکړي. موږ له دوی څخه د لا زیات ملاتړ غوښتنه کوو.”
نوموړي غزې تړانګې ته د بشردوستانه مرستو د رسیدو په اړه وویل: حماس دا نه مني چې دغه مرستې دې د غزې ترانګې د جنوبي سیمو خلکو ته محدودې وي. مشعل له غزې څخه مصر ته د خلکو د وتلو په اړه د اسرائیلو د غوښتنې په اړه وویل: موږ له غزې څخه له وتلو ډډه کوو، د غزې د خلکو بې ځایه کېدل به مصر او اردن ته زیان ورسوي. مشعل وویل: “په اسراییلو کې زموږ یرغلیز عملیات د یوې اوږدې دفاعي جګړې برخه ده.”
