کابل ټکی کام (شنبه، ۲۹ تله، ۱۴۰۲ل)
د فلسطین د خپلواک حکومت مشر او د “الفتح” ګوند مشر “محمود عباس” په خپلو تازه څرګندونو کې ویلي، چې صهیونیست دوښمن روغتونونه، ښوونځي او د سرپناه مرکزونه پرته له توپیره بمباروي.
عباس وایي: موږ له غزې، بیت المقدس او لویدیځې غاړې څخه د اسراییلو له لوري د فلسطینیانو د شړلو او بې ځایه کیدو په وړاندې خبرداری ورکوو.
د اسرائیلو اشغالګر حکومت د اوربند لپاره زموږ غوښتنې نه دي اوریدلي.موږ د دواړو خواوو د ملکي وګړو په وژلو خفه یو.امنیت شورا باید د فلسطین د خلکو د ساتنې لپاره خپل مسوولیت ادا کړي.
د محمود عباس په خبره: موږ به خپله خاوره هېڅکله پرینږدو، موږ به په خپله خاوره کې پاتې شو.
مونږ تاکید کوو چې سوله د دوه دولتي حل لارې په پلي کولو، د اشغال په ختمولو او د کډوالو د مسلې په حل کولو سره ترلاسه کیږي.
