کابل ټکی کام (یکشنبه، ۷ لړم، ۱۴۰۲ل)
د ترکیې ولسمشر “رجب طیب اردوغان” تېره شپه د ترکیې په پلازمېنه “انقره” کې یو ستر ولسي لاریون ته د خبرو پر مهال اسراییلو ته خبرداری ورکړی، لکه څنګه چې آذربایجان او لیبیا کې وجنګې
دو غزه کې هم جنګیدلی شو.
ولسمشر اردغان اسراییل یو غاصب، وحشي او خونخور ريژیم بللی دی او ګواښ یې کړی، چې ترکیه پلان لري د نتنیاهو په ګډون ددغه وحشي ريژیم چارواکي د بشر ضد کړنو په تور محاکمه کړي
ولسمشر اردغان یوځل بیا ټینګار کړی، چې حماس ترهګره ډله نه ده بلكې نتنياهو او اسراییل ترهګر دي.
اردغان وویل:هغه چې اسراییل به په جنګي جنایتونو تورن اعلان شي او موږ ورته پوره چمتوالی لرو. اسراییل څنګه فلسطین ته راغلل؟ د ترکیې خلک پوهیږي.
ولسمشر اردغان وویل: چې اسراییل یو یرغلګر ريژیم دی او لویدیځ هم په غزه کې د نسل وژنې مسوول دی. آيا لويديځ هيوادونه بيا صليبي جنګونه غواړي؟
هغه وویل که چیرې لویدیځ هیوادونه کومه داسې هڅه وکړي نو په یاد ولرئ چې موږ لا ژوندي یو او لکه څنګه مو چې په لیبیا او قره باغ پوځي مداخله وکړه غزه کې یې کولی شو.
د ولسمشر اردغان له څرګندونو وروسته اسراییلو له ترکیې خپل سفیر- ديپلوماتان ایستلي او د ترکي رسنیو د راپورونو له مخې ښایي ډېر ژر ترکیه هم خپل دیپلوماتان له تل أبیب څه وباسي.
د ویلو ده چې لا هم پر غزې تړانګې د صهیونیستي ریژیم وحشیانه بمبارۍ روانې دي- حماس او نورو فلسطیني ډلو یې هم په غبرګون کې په اسراییلو خپلو بریدونو ته دوام ورکړی او تېره شپه یوځل بیا اسراییلي اشغالګرو پر غزې د ځمکني یرغل هڅه وکړه؛ خو د مجاهدینو له غاښ ماتونکي ځواب سره تر مخ کېدو وروسته وتښتېدل.
