کابل ټکی کام (شنبه، ۶ لړم، ۱۴۰۲ل)
په داسې حال کې چې تېره شپه پر غزې تړانګې د اسراییلي اشغالګرو خونړۍ بمبارۍ روانې وې او د انترنیت د قطع کېدو له امله تر اوسه د صهیونیست ریژیم په وحشیانه حملو کې د اوښتې مرګ ژوبلې د کره شمېرې په تړاو څه نه دي ویل شوي؛ خو الجزیرې تلویزیوني شبکې خبر ورکړی، چې د اشغالګرو سلو الوتکو ټوله شپه پر غزې هوایي بریدونه کړي او هڅه یې کوله چې د ځمکی له لارې غزې تړانګې ته ننوځي؛ خو عملیات یې له ناکامي سره مخ شوي او د درنو تلفاتو له ګاللو وروسته بېرته تښتېدلي دي.
د حماس غورځنګ یو لوړ پوړي غړي ” علي برکات” بیا ویلي، چې اشغالګر ريژیم پر غزې تړانګې تېره شپه له درې لوریو هوا، ځمکې او سمندر یرغل کړی و؛ خو په ځمکه او سمندر کې ورسره د دوی جنګیالیو کلکه مقابله کړې ده. ټانکونه او جنګي بیړۍ یې د (البناء او یاسین) په توغندیو ویشتلي، چې په پایله کې یې ګڼو یهودي عسکرو ته مرګ ژوبله اوښتې او ځینې یې د دوی د جنګیالیو لخوا ژوندي نیول شوي دي.
په ورته مهال د اسرائیلو 14 خبري شبکې خبری ورکړی، چې پرغزې یې ځمکنی یرغل ناکام شوی ۳۰ پوځي ټانکونه د فلسطیني ډلو لخو ویجاړ شوي او په نتنیاهیو یې غږ کړی، چې د عسکرو له ژوند سره دی لوبې نه کوي. جګړه د حل لاره نه ده او باید د ځینو منځګړو هیوادونو له لارې حماس سره د خبرو اترو له لارې دغه ستونزه حل کړي. موږ په خاموشۍ سره د خپلو ځواکونو د وژل کېدو ننداره نشو کولی.
