کابل ټکی کام (جمعه، ۴ کب، ۱۴۰۲ل)
د يمن د انصارالله مشر عبدالملک بدرالدين حوثي غزې تړانګه کې د اسراييلي وحشت او پر وړاندې يې د حماس د مقاومت او دغه راز په سره سمندرګي کې د يمني ځواکونو له لوري د اسراییلو اهدافو په نښه کولو په هکله تازه څرګندونې کړي دي.
نوموړي زياته کړې ده چې د نړۍ زیاتره هیوادونه او حکومتونه د غزې د غميزې په هکله یوازې تماشاچیان دي او ځینې یې حتی له دښمن سره ملګري دي.
امریکا د دریم ځل لپاره په امنیت شورا کښې په غزه کښې د فلسطینیانو د وژلې د بندولو او د صهیونیسټ دښمن د خدمت لپاره د پریکړه لیک د تصویبیدو د مخنیوی لپاره ویټو استعمال کړه.
دغه هیواد د غزې د خلکو د قتل عام په دوام ټینګار کوي او په غزه کښې د فلسطیني ولس د ستړیا ملاتړ کوي.
اسرائیلي دښمن غزې ته د خوراکي توکو د بار وړونکو لاریو د ننوتلو په مخنیوي کې خپل وحشیانه چلند ته دوام ورکوي
په نړیوالو سازمانونو کې د امریکا او اسرائیلي رژیم منفي رول د هرې ورځې په تیریدو سره څرګنديږي.
په غزه کې د لوږې له امله د مړو شمیر مخ په ډیریدو دی چې ډیری یې ماشومان او بوډاګان دي. حتی په غزه کې د څارویو واښه په ختمیدو دي.
له دې سره سره چې دښمن د غزې د خلکو په وژلو، محاصره کولو او لوږې سره خپلو جنایتونو ته دوام ورکوي، هره ورځ د پخوا په پرتله له زیاتې ماتې سره مخامخ کیږي.
دښمن ته د اوښتو تلفاتو شمېر زرګونه دی، خو خبر یې سانسور دی. ددښمن ځيني عسکر د مقاومت له جنګياليو سره دجګړې د ډار له امله له رواني ستونزو سره مخامخ شوي دي.
د رژیم بندرونه فلج شوي او سیاحت او هوایی تګ راتګ کم شوی دی. دصهیونیسټ دښمن اقتصاد ته په سلګونو ملیارد ډالره تاوان رسیدلی دی .
پر غزې د صهیونیسټي دښمن د حملو د زیاتولو په بدل کښې مونږ هم په یمن کښې خپلې حملې زیاتې کړو. دا اقدام د غزې او د هغه د خلکو د ملاتړ لپاره ترسره کیږي. تر اوسه مو په فلسطین کې پر اسرائیلي اهدافو ۱۸۳ توغندي او ډرون بریدونه کړي دي.
موږ په تېره یوه اوونۍ کې ۱۳ عملیات ترسره کړي، چې یو یې د انګلیسي بېړۍ ډوبېدل وو، دښمن زموږ د سمندري عملیاتو مخه نه شي نیولی.
