یمن: په سور سمندرګي او باب المندب کې د بېړیو په نښه کولو ته دوام ورکوو
کابل ټکی کام (دوشنبه، ۱۴ کب، ۱۴۰۲ل)
د یمن د وسله والو ځواکونو ویاند “جنرال یحیی سریع” خبرداری ورکړی، چې په سور سمندرګي او باب المندب کې د بېړیو په نښه کولو ته به دوام ورکوو.
د نوموړي په خبره راتلونکو څو ورځو کې به د صهیونیستي ريژیم او امریکا په بېړیو نوي او حیرانونکي بریدونه ترسره شي
نوموړي د خپلو خبرو پر دوام ویلي، تر څو چې په فلسطین کې جنګ پای ته ونه رسېږي موږ به هغه کښتۍ په نښه کړو چې اسرائيلو ته مرستې رسوي.
سریع؛ زياتوي د فلسطين ولس زمونږ ورونه دي کوم درد چې اوس مهال دوي لري موږ يې هم احساس کوو.
د يادونې وړ ده چې اوم د اکتوبر راهيسي په فلسطین کې د اشغالګرو لخوا قتل عام شروع شوي دې خو عرب ملکونه لا تر اوسه چوپ پاتې دي خو د يمن وسله والو ځواکونو لسګونه هغه بېږۍ ویشتلي، چې اسرائیلو ته یې مرستې رسولې او دغه راز یې په څرګند ډول له فلسطیني ولس څخه ملاتړ اعلان کړي دی.
