د سوریې وسله والو ځواکونو د اسرائیلو پر اډو توغندیز بریدونه کړي
کابل ټکی کام (پنجشنبه، ۱۶ وری، ۱۴۰۳ل)
له هغه وروسته، چې اسرائیلي اشغالګرو په تېره یوه اوونۍ کې د سوریې په پلازمېنه دمشق او ځینو نورو ښارونو باندې مرګوني هوایي بریدونه وکړل. په ځواب کې یې د سوریې وسله والو ځواکونو د جولان په لوړو کې د صهیونیستي ريژیم پر دوه مهمو پوځي اډو توغندیز او هوایي بریدونه کړي دي.
د سوریې دولتي تلویزیون خبر ورکړی، چې یاد بریدونه د ولسمشر “بشارالاسد” په امر ترسره شوي دي، د صهیونیستي دوښمن دواړه اډې چې ۸۰۰ پوځیان پکې مېشت و په بشپړه توګه ویجاړې شوي او د دوښمن سلګونو پوځیانو ته پکې مرګ ژوبله اوښتې ده.
د ویلو ده، چې اسرائیلي اشغالګرو په تېره یوه اوونۍ کې دمشق کې د ایران د سفارت پر ودانۍ او حلب ولایت کې د سوریې د وسله والو ځواکونو دوه اډو باندې بریدونه وکړل، چې په پایله کې یې نږدې ۲۵۰ کسان چې ډېر یې سوریایي پوځان وو ووژل شول او سلکونه نور ټپیان شول.
