کابل ټکی کام (یکشنبه، ۱۶ ثور، ۱۴۰۳ل)
په داسې حال کې، چې د مصر په پلازمینې “قاهره” کې د حماس اسلامي غورځنګ او اسراییلو ترمنځ یوځل بیا د سولې خبرې پیل شوي؛ خو په خبرو کې د حماس اسلامي غورځنګ د مرکچي پلاوي یو لوړ پوړي غړي “الجزیرې تلویزیوني” شبکې ته ویلي، چې پر هیڅ داسې هوکړې به تواق ونه کړو چې د فلسطین قضیې ته زیان رسوي.
الجزیرې نړیوال تلویزیون د حماس د مرکچي پلاوي د دغه لوړ پوړي غړي، چې نوم یې نه دی ښودل شوی ویلي: حماس به هیڅ داسې موافقې باندې هوکړه ونه کړي، چې غزې تړانګه کې د جنګ بندي ضمانت نه کوي.نوموړي ویلي، چې صهیونیستي ريژیم د اوربند څخه پرته د موافقې په لټه کې دی. د حماس غورځنګ دغه لوړ رتبه غړی وایي: په رفح باندې د برید ګواښونه او له غزې څخه د اشغالګر پوځ د وتلو ځنډول د تړون مخه نیسي، چې مسؤلیت یې د نیواکګر اسراییلي ريژیم په غاړه دی.د حماس اسلامي غورځنګ دغه لوړ پوړي غړي د خپلو خبر پر دوام اسراییلي ريژیم سره د اوربند د ممکنه هوکړې په اړه هم ځینې جزییات وړاندې کړي. نوموړی زیاتوي د تبادلې په لومړي پړاو کې به حماس غورځنګ ۴ ښځینه اسراییلي پوځیان خوشې کوي او صهیونیستي ريژیم به یې په مقابل کې له ۶۰ تر ۱۰۰ پورې هغه فلسطیني بندیان خوشې کوي، چې په عمري بند محکوم شوي دي. د نوموړي په خبره دغه تړون درې مرحلې لري، چې ۱۲۴ ورځې به دوام وکړي او په یاده موده کې به د ۳۳ اسراییلي بندیانو په مقابل کې ۸۰۰ فلسطیني بندیان خوشې کیږي. په دویم پړاو کې به پاتې اسراییلي بندیان د یو شمېر نورو فلسطیني بندیانو په مقابل کې خوشې کیږی؛ خو تر اوسه یې د شمېر په هکله مالومات نشته. په دریم پړاو کې به د ټولو وژل شویو اسراییلي سرتېرو جسدونه اسراییلي لوري ته سپارل کېږي او په مقابل کې به یې صهیونیستي ريژیم د ټولو فلسطیني شهیدانو جسدونه حماس ته سپاري
