کابل ټکی کام (شنبه، ۲۲ ثور، ۱۴۰۳ل)
اسراییلي “خداشتوت بزمن” خبري آژانس د خبر له مخې د غزې تړانګې په بېلا بېلو سیمو کې حماس ځواکونو سره د تیرې ورځې په نښتو کې ۱۲ تنه صهیونیستي پوځیان وژل شوي او ګڼ نور ټپیان دي. دا په داسې حال کې ده، چې د حماس اسلامي غورځنګ د پوځي څانګې “القسام” لېوا سرچینو د لبنان “المنار” تلویزیوني شبکې ته ویلي، چې په تېرو ۲۴ ساعتونو کې یې د غزې تړانګې شمال او رفح کې په اسراییلي نیواګرو لسګونه بریدونه ترسره کړي دي، چې په پایله کې یې ۳۰ تنه صهیونیستي پوځیان وژل شوي او لسګونه نور ټپیان شوي دي. د یادونې وړ ده، چې د یادونې وړ ده، چې د اسراییلي پوځ سرچینو هم غزه کې خپل لوري ته د اوښتې مرګ ژوبله پخلی کړی دی.
